Qazaqstannyń joǵary lıgasy chempıonaty aıasynda «Barys-2» jáne «Saryarqa» komandalary dodaǵa túsedi
ASTANA. 5 qarasha. QazAqparat /Rýslan Ǵabbasov/ - 8-9 qarashada Astanadaǵy «Qazaqstan» sport saraıynda 2010-2011 jyldardaǵy hokkeıden Qazaqstannyń joǵary lıgasy chempıonatynyń qosarlanǵan machty «Barys-2» jáne «Saryarqa» (Qaraǵandy) komandalarynyń arasynda ótedi.
Aıta keteıik, «Barys» komandasy saıtynyń málimeti boıynsha ulttyq chempıonattyń basynan beri «Barys-2» barlyǵy 20 oıyn ótkizip, onyń 8-inde jeńiske jetti. Al onyń qaraǵandylyq qarsylasy 18 matchta dodaǵa túsip, oıynnyń bireýinde ǵana jeńilis tapty. Jarysqa qatysýshy ondyqtyń ishindegi týrnırlik kestede «Barys-2» 25 upaımen 6 orynǵa turaqtady. Jekeleı júrgizilgen baǵalaýlar boıynsha chempıonattaǵy hokeıshilerdiń arasynda 21 upaı jınaǵan «Barys-2» komandasynyń forvardy Ilıa Solarev alda kele jatyr, ıaǵnı ol oıyn maýsymynyń úzdik oıynshysy retinde tanyldy. Sonymen qatar dál osyndaı jetistikter boıynsha «Beıbarys» hokkeı komandasynyń oıynshysy A. Pelevın de úzdikter qatarynda oryn alyp otyr.
