Qazaqstannyń joǵarǵy oqý oryndary bıznespen tyǵyz baılanys ornatýy qajet - Kshıshtof Rybınskıı
ALMATY. QazAqparat -Qazaqstannyń joǵarǵy oqý oryndarynyń basty kemshiligi - bıznespen tyǵyz qarym-qatynastyń joqtyǵy. Bul týraly keshe Almatyda ótken baspasóz máslıhatynda T.Rysqulov atyndaǵy Jańa ekonomıkalyq ýnıversıtettiń rektory Kshıshtof Rybınskıı málimdedi.
«Qazaqstannyń bilim salasyndaǵy máseleler basqa elderdiń osy saladaǵy máselelerine óte uqsas. Bul jerde basty túıtkil - bıznes pen JOO arasynda tyǵyz qarym-qatynastyń joqtyǵy. Mine, osynyń saldarynan JOO túlekteriniń biliktiligi jumys berýshilerdiń talaptaryna saı kelmeı jatady. Sondyqtan da, jas mamandardyń jańa jumys oryndarynda kóp nárseni jańadan meńgerýlerine týra keledi», - dedi K. Rybınskıı.
Ol sonymen qatar, AQSh- pen Ulybrıtanııada joǵary oqý oryndary men bıznes arasynda jaqsy yntymaqtastyq ornaǵanyn aıtty.
«Ol jaqta JOO men bıznes sýbektileri arnaıy bıznes-ınkýbatorlarynda jańa jobalardy júzege asyrýmen aınalysady. Qazaqstanda bul sala qazir jaqsy damyp jatyr», -dedi ol.
