Qazaqstannyń jetistikterine tipti álemniń eshbir elinde qol jetken joq - Býndestag depýtaty
ASTANA. 26 qarasha. QazAqparat - Qazaqstannyń búgingi jetistikterine tipti álemniń eshbir elinde qol jetken joq. Búgin «Qazaqstan Respýblıkasynyń Tuńǵysh Prezıdenti - Elbasy N.Á Nazarbaevtyń Qazaqstandaǵy parlamentarızmdi damytýdaǵy róli» atty halyqaralyq konferentsııa barysynda Germanııa Býndestagynyń depýtaty Karın Shtrents osylaı málim etti.
«Qazaqstan týraly áńgime etkende osy eldiń sońǵy jyldary qol jetkizgen jetistikterin aınalyp ótý múmkin emes. Qazaqstannyń bundaı jetistikterine tipti álemniń eshbir elinde qol jetken joq dese de bolady. Bul el qazir asa qarqyndy damyp keledi. Sonymen qatar, Qazaqstanda ındýstrııalyq-ınnovatsııalyq damý belsendi túrde iske asyrylyp keledi. Munda quny 64 mlrd. dollar bolatyn 600 joba júzege asyrylady. Sonyń nátıjesinde 400 myń jumys orny qurylatynyn erekshe atap ótýge bolady. Al ondaı jumys oryndaryna qatysty úderis tek Astana men Almaty sekildi iri qalalarǵa ǵana emes, basqa da óńirlerge tán. Sondyqtan da, meni osyndaı bastamalar tańqaldyrmaı qoımaıdy», - deıdi K. Shtrents.
Sonymen qatar, nemis depýtaty Qazaqstandy halyqaralyq qaýymdastyqtyń jaýapkershilikti múshesi retinde atap ótip, álemdik arenada senimge ıe bolǵan memleket ekenine erekshe toqtaldy. Bundaı deńgeıde Tuńǵysh Prezıdent N. Nazarbaevtyń kóregen saıasaty arqasynda qol jetkenin de jetkizdi. «Qazaqstan - Ortalyq Azııa óńirindegi kóp ról atqaratyn memleket. Sonymen qatar, Qazaqstan osy óńirdegi turaqtylyqtyń zákiri. Qazaqstan Aýǵanstandaǵy jaǵdaıdy turaqtandyrý máselesinde de, sol elden halyqaralyq áskerılerdi shyǵarý isinde de úlken ról oınaıdy», - dedi nemis depýtaty K. Shtrents.
