Qazaqstannyń jetistikteri árdaıym sheteldik otandastarymyzdyń nazarynda júredi - N.Nazarbaev
ASTANA. 18 sáýir. QazAqparat /Rýslan Ǵabbasov/ - Qazaqstannyń jetistikteri árdaıym sheteldik otandastarymyzdyń nazarynda júredi. Bul týraly búgin Astanadaǵy Beıbitshilik jáne kelisim saraıynda «Táýelsiz Qazaqstan: Beıbitshiliktiń, Kelisimniń jáne Jasampazdyqtyń 20 jyly» taqyrybyndaǵy Qazaqstan halqy Assambleıasynyń sessııasynda Elbasy Nursultan Nazarbaev málim etti.
«Qazaqstannyń jetistikteri árdaıym bizdiń sheteldik otandastarymyzdyń nazarynda júredi. Búginde olardyń kópshiligi óz eline, naǵyz Otanyna oralýda. Olar ózderiniń áleýetin tek osynda ǵana iske asyryp, ózderiniń týǵan eline paıda keltire alatynyn túsinip otyr»,-dedi Memleket basshysy.
Prezıdent tek sońǵy 5 jylda elimizge 10 myńdaǵan otandastarymyz qaıtyp oralǵanyn jetkizdi. Men bul turǵyda oralmandardy aıtyp turǵanym joq. Atap aıtqanda, men qaıtyp kelgen 44 myńnan astam orys ultynyń ókilderin, 5 myńǵa jýyq nemister jaıly sóz qozǵap otyrmyn. Shetelde qalyp qoıǵandardyń ózderi Qazaqstan týraly jyly lebizderin saqtap otyr. Internet júıesinde bul taqyrypta myńdaǵan hat-habarlardy baıqaýǵa bolady»,-dep atap ótti N. Nazarbaev.
