Qazaqstannyń jeti óńirine mefedron jetkizip otyrǵan esirtki sındıkaty ustaldy - UQK

ASTANA. QazAqparat - Ulttyq qaýipsizdik komıteti Qazaqstan aýmaǵyna asa iri kólemde sıntetıkalyq esirtkini kirgizýdiń jáne satýdyń turaqty arnasyn uıymdastyrǵan qylmystyq toptyń jolyn kesti, dep habarlaıdy QazAqparat.

«Mefedron» jáne «alfa-PVP» áleýmettik jeliler men messendjerler arqyly saýdalanǵan.

Esirtki jasyryn oryndardyń koordınattaryn berý arqyly betpe-bet kezdesýsiz alynyp otyrǵan.

Jınaqtalǵan bultartpas aıǵaqtardyń nátıjesinde Shymkent jáne Qonaev qalalarynda esirtki sındıkatynyń uıymdastyrýshysy men úsh kómekshisi ustaldy.

Tintý barysynda zańsyz aınalymynan 103 keli sıntetıkalyq esirtki alyndy.

Ólimge ákeletin «taýardy» Astana, Almaty, Qonaev, Kókshetaý, Shymkent, Taraz, Qyzylorda jáne Óskemen qalalarynda taratý kózdelgen.

Esirtki bıznesine qarsy is-qımyl jalǵasyp jatyr.

Foto: QR UQK baspasóz qyzmeti