Qazaqstannyń jeti óńirindegi joldarda aýyr júk kólikterine shekteý engizildi
Jyl saıyn kóktem ýaqytynda qys mezgilinen keıin joldardy saqtaý úshin bir ostik júktemesi 8 tonnadan asatyn kólikterdiń júrýine ýaqytsha shekteý engizildi. Bul erejeler birinshi naýryzdan bastap 7 oblystaǵy tas joldarda qoldanylyp keledi.
«Besinshi jol-klımattyq dep atalatyn aımaqqa» Almaty, Atyraý, Jambyl, Qaraǵandy (Jezqazǵan óńiri), Qyzylorda, Mańǵystaý jáne Túrkistan oblystary kirip otyr. Mundaǵy ýaqytsha shekteý 1 naýryz ben 1 sáýir aralyǵynda saqtalmaq.
Shekteý tótenshe jaǵdaılardyń aldyn alý jáne joıý jónindegi is-sharalarmen aınalysatyn, júkter men jolaýshylardy halyqaralyq tasymaldaýdy júzege asyratyn, zardap shekkenderge gýmanıtarlyq kómek kórsetetin, azyq-túlik, jolaýshylar, joljúk, dári-dármek tasymaldaıtyn, sondaı-aq, jol-qurylys jumystarymen aınalysatyn kólik quraldaryna qoldanylmaıdy», delingen habarlamada.
23 naýryzdan 1 mamyrǵa deıin atalǵan shekteýler Aqmola, Aqtóbe, Shyǵys Qazaqstan, Batys Qazaqstan, Qaraǵandy (Jezqazǵan óńiri), Qostanaı, Pavlodar jáne Soltústik Qazaqstan oblystarynda engizilmek.