Qazaqstannyń jeti oblysynda joldar jabyldy
ASTANA. QazAqparat - Aýa raıynyń qolaısyzdyǵyna baılanysty elimizdiń jeti oblysyndaǵy respýblıkalyq joldarda kólik qozǵalysy shekteldi, dep xabarlady Tótenshe jaǵdaılar komıtetinen.
Astana qalasynda burqasyn men jeldiń kúsheıýine baılanysty "Astana-Şýchınsk-Pavlodar" kúre joly jabyldy.
Qaraǵandy oblysynda saǵat 13:00-den beri "Qaraǵandy-Aıagóz-Buǵaz" respýblıkalyq avtojoldyń 60-217 shaqyrymyndaǵy "Botaqara-Qarqaraly" ýchaskesinde barlyq kólikter úshin shekteý qoıyldy.
Aqtóbe oblysynda saǵat 13:00-den bastap aýa raıynyń qolaısyzdyǵyna baılanysty "Aqtóbe-Orynbor" tas jolynyń "Mártúk-Qýraıly" ýchaskesinde barlyq kólik túrleri úshin jol jabyq. Sonymen qatar saǵat 15:35-ten bastap, "Aqtóbe-Atyraý-Astraxan" (11-92 shaqyrymy, Aqtóbe qalasy-Qandyaǵash), «Samara-Shymkent» (718-615 shaqyrymy, Aqtóbe qalasy-Qobda) tasjoly barlyq kólik túrleri úshin jabyq.
Shyǵys Qazaqstan oblysy boıynsha, saǵat 14:30-dan bastap qatty boranǵa oraı, "Omby-Qapshaǵaı" tasjolynyń 756-900 shaqyrymy, "Semeı-Qalbataý" ýchaskesi, sonymen qatar "Semeı-Qaınar" aralyǵy barlyq kólikter úshin jabyldy.
Pavlodar oblysynda saǵat 15:45-ten beri boranǵa baılanysty "Lenınskıı-Aqsý-Kóktóbe-Aqjar-Kýrchatov" respýblıkalyq tasjoly jabyldy. Sonymen qatar birqatar oblystyq joldarda shekteý engizildi.
Almaty oblysynda saǵat 10:15-de boran saldarynan "Taldyqorǵan-Qapal" oblystyq tasjolynda kólik qozǵalysyna tyıym salyndy. Al 16:00-den bastap, "Úsharal-Dostyq" tasjolynda shekteý engizilgen.
Aqtóbe oblysynda saǵat 15:00 kún raıynyń qolaısyzdyǵynan, "Donskoe-Badamsha", "Petropavlovka - Hazretovka" (0 - 36 shaqyrymy); «Aqtóbe-Rodnıkovka-Mártúk» (5 - 74 shaqyrymy); "Pokrovka-Temir-Keńqııaq-Emdi" oblystyq mańyzdaǵy joldar jabyldy.
Soltústik Qazaqstan oblysynda saǵat 15:00 bastap, aýa raıynyń nasharlaýyna oraı, oblystyq mańyzdaǵy barlyq joldar kóliktiń barlyq túrleri úshin jabyldy.
Shyǵys Qazaqstanda saǵat 17.02-de «Novopokrovka-Petropavlovka-Zýbaır-Baıtanant» (0-41 shaqyrymy) tasjolynda barlyq kólikter úshin qozǵalys shekteldi. Saǵat 14:00-den bastap, «Semeı-Kýrchatov» (4-130 shaqyrymy), «Semeı-Qaraýyl» (4-182 shaqyrymy), «Semeı-Dolon-Bolshaıa Vladımırovka-Sosnovka-Qoıanbaı» (0-184), saǵat 14.30-da «Dmıtrıevka-Borodýlıha-Shemonaıha» (0-87 shaqyrymy), «Borodýlıha-Jezkent» (0-49 shaqyrymy), «Voskresenovka-Petropavlovka - Shelehovo - Belaǵash - Dmıtrıevka»» (0-64 shaqyrymy), «Óskemen-Semeı» (Shúlbi-Jańa Shúlbi) oblystyq joldarynda shekteý engizildi.
