Qazaqstannyń jeti oblysynda aýa raıyna baılanysty eskertý jarııalandy

ASTANA. QazAqparat – 27 mamyrda Qazaqstannyń birqatar óńirinde naızaǵaı oınap, qatty jel turady, órt qaýpi týyndaýy múmkin, dep habarlaıdy QazAqparat «Qazgıdromet» RMK-ǵa silteme jasap.

27 mamyrda túnde jáne tańerteń Aqmola oblysynyń ońtústik-shyǵysynda tuman túsedi. Túnde oblystyń soltústik-batysynda, shyǵysynda topyraq betinde 1 gradýs úsik bolýy múmkin.

Qostanaı oblysynyń basym bóliginde joǵary órt qaýpi bar.

27 mamyrda kúndiz Atyraý oblysynyń soltústiginde, shyǵysynda, ońtústiginde shańdy daýyl turady. Ońtústik-shyǵystan jel soǵady, kúndiz oblystyń soltústiginde, shyǵysynda, ońtústiginde ekpini 15-20 m/s-ke jetedi. Kúndiz oblystyń basym bóliginde 35 gradýs qatty ystyq bolady. Oblystyń basym bóliginde tótenshe órt qaýpi bar. Atyraý qalasynda 27 mamyrda kúndiz ońtústik-shyǵystan jel soǵady, ekpini 15-18 m/s.

Kúndiz Abaı oblysynyń soltústiginde, ortalyǵynda jel soltústik-batystan, soltústikten soǵady, kúshi 15-20 m/s. Abaı oblysynyń soltústiginde tótenshe órt qaýpi bar.

Kúndiz Pavlodar oblysynyń ońtústik-shyǵysynda soltústik-shyǵystan jel soǵady, ekpini 15-20 m/s. Oblystyń shyǵysynda, ortalyǵynda tótenshe órt qaýpi bar.

Qaraǵandy oblysynyń ońtústik-shyǵysynda naızaǵaı oınaıdy. Oblystyń shyǵysynda tótenshe órt qaýpi bar.

Qyzylorda oblysynyń ortalyǵynda, shyǵysynda tótenshe órt qaýpi bar.

Batys Qazaqstan oblysynyń batysynda, ońtústiginde naızaǵaı oınaıdy. Jel ońtústik-shyǵystan, ońtústikten soǵady, kúndiz oblystyń batysynda, ońtústiginde ekpini 15-20 m/s.