Qazaqstannyń jetekshi sportshylarynyń densaýlyǵyn ǵalymdar qadaǵalaıtyn bolady
ASTANA. QazAqparat - Qazaqstannyń jetekshi sportshylarynyń baıraqty básekege daıyndyq barysyndaǵy densaýlyǵyn ǵalymdar qadaǵalaıtyn bolady. Bul týraly búgin QR Sport isteri jáne dene shynyqtyrý agenttigi tóraǵasynyń orynbasary Elsııar Qanaǵatov málim etti.
«Sporttyq medıtsına ortalyǵynda 2 utqyr keshendi ǵylymı top qurylǵan. Jetekshi sportshylarymyzdyń bekitilgen kestege sáıkes daıyndyǵy kezinde olar sańlaqtarymyzdyń densaýlyǵyna baqylaý júrgizetin bolady», - dedi E.Qanaǵatov.
Osy rette ol sporttyq medıtsına ortalyǵyna bul baǵyttaǵy jumystardy jandandyryp, qurama komandaǵa medıtsınalyq-bıologııalyq tekserý júrgizýdi tapsyrdy.
Onyń aıtýynsha, sport mamandarynyń kúsh-jigerin toptastyryp, medal alýǵa qaýqarly sportshylardy medıtsınalyq-bıologııalyq erekshe baqylaýǵa alý qajet.
