Qazaqstannyń jeńil atletteri Qytaıda ShYU halyqaralyq marafonyna qatysty

KÝNЬMIN. QazAqparat – Qazaqstandyq jeńil atletter Ámir Baıtuqaev pen Mıhaıl Krasılov Qytaıdyń ońtústik batysyndaǵy Kýnmın qalasynda ótken Shanhaı yntymaqtastyq uıymynyń (ShYU) 4-inshi halyqaralyq marafonyna qatysty, dep habarlaıdy QazAqparattyń menshikti tilshisi.

Qazaqstandyqtardyń arasynan Ámir Baıtuqaev úzdik kórsekishke qol jetkizdi. Ol marafondyq 42 km, 195 metr qashyqtyqty 2 saǵat 35 mınýtta júgirip ótti.

Ámir Qaz Aqparat tilshisine bergen suhbatynda jarys joly týraly óz áserimen bólisti.

«Kýnmındegi júgirý men úshin debıýttik edi. Bıiktikke baılanysty asa aýyr tıdi. Qala eki myń metr bıiktikke ornalasqan. Onyń ústine birneshe saǵatqa sozylǵan ushaqpen ushý, saǵattyq beldeýden keıingi jersiný degendeı, bári jarys nátıjesine áser etti. Degenmen marafonnan alǵan áserim qanaǵattanarlyq», -dedi ol.

Erler men áıelder arasynda Efıopııa men Kenııanyń ókilderi marafonnyń jeńimpazdary atandy. Efıopııalyq jeńil atlet Derede Debele Týlý 2 saǵat 13 mıýt 18 sekýnd kórsetkishpen máre syzyǵyn birinshi bolyp qıdy.

Kýnmındegi ShYU halyqaralyq marafony 2016 jyldan beri ótkizilip keledi.

Bul básekege 20 myń jelaıaq qatysty.