Qazaqstannyń jemqorlyqqa qarsy vedomstvosy táýlik boıy azamattarǵa keńes beredi
ASTANA. QazAqparat - Agenttik jemqorlyqqa qarsy turý jumystaryna Qazaqstan azamattarynyń belsendiligine úmitti. Bul týraly búgin Astanadaǵy keńeıtilgen keńeste QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov málim etti.
«Sybaılas jemqorlyqqa tosqaýyl qoıýda qoǵam men memleket kúsh-jigeriniń birigýi aıryqsha mańyzdy. Osy oraıda biz qazaqstandyqtardyń jemqorlyqtyń barlyq belgileri boıynsha qarsy is-qımyldarǵa belsendi qatysýyn kútemiz»,-dedi Q. Qojamjarov.
Bul turǵyda ol agenttik tarapynan jemqorlyqqa qarsy sharalar boıynsha oqytý men aqparattandyrý úshin aýqymdy jumystar uıymdastyrylatynyn atap ótti.
«Biz akademııamen birlese jemqorlyq táýekelderin anyqtaý men olardyń túrli maqsatty toptary úshin aldyn alý sharalaryna bilim berý baǵdarlamasyn ázirleýdemiz. Onyń negizi retinde ǵylymı jáne áleýmettik zertteýler nátıjeleri qamtylady. Mysaly, búginde syılyqtar erejesin paıdalaný boıynsha memlekettik qyzmetterler men basshylar úshin múddeler daý-damaıyn boldyrmaý turǵysynda jattyǵý sabaǵy ázirlendi»,-dedi agenttik basshysy.
Osy oraıda Q. Qojamjarov agenttik jastardy áleýmettik jeliler arqyly aqparattandyrýdy josparlap otyrǵandyǵyn jetkizdi. Onyń paıymynsha, saýatty qurylǵan aqparattyq jumystar jemqorlyqqa tosqaýyl qoıý baǵytynda qoǵamnyń qatysýy deńgeıin arttyrady.
Sall-ortalyǵynyń mamandary táýlik boıy jemqorlyq jaǵdaılary boıynsha azamattarǵa zańnama normalary men is-qımyl tártibin túsindiretin bolady.
