Qazaqstannyń jemqorlyqqa qarsy baǵdarlamasy tıimsiz - Jandosova
ASTANA. QazAqparat - «Sandj» zertteý ortalyǵynyń jetekshisi Janar Jandosova Qazaqstanda qabyldanǵanǵan jemqorlyqqa qarsy baǵdarlama tıimsiz dep sanaıdy.
«Ádette jemqorlyqpen kúresý múmkin emes dep jatady, bizde solaı qabyldanady da. Biraq, 2003 jyly bizden de jaman bolǵan Grýzııany mysalǵa alyp qarańyzdarshy. Onyń ındeksi (Ekonomıkalyq yntymaqtastyq uıymy ındeksi) 2003 jyly 18, al sol kezde bizdiki 24 bolatyn. Al osy ýaqytqa deıin júrgizilgen reformalardyń arqasynda Grýzııa 52-shi deńgeıge kóterildi», - dedi ol.
Onyń aıtýynsha, Ońtústik Koreıada dál osyndaı deńgeıde jemqorlyqqa qarsy qyzmetter atqarylǵan.
«Biraq, sońǵy jyldary bul elde qandaı da bir ózgerister oryn alyp, kórsetkish qatty quldyrap ketti. Búginde Túrkııa jemqorlyqpen qarqyndy kúresýde. Sońǵy 4 jylda Mońǵolııa bul máselede birshama alǵa ilgeriledi. Bizge de olardyń tájirıbesin qarap, úzdigin alýymyz qajet sııaqty. Ókinishke oraı, bizdiń elderimiz (Qazaqstan men Reseı) 24-27 deńgeıde bolǵan, sol orynynda qalyp otyr. ıAǵnı, biz ázirlegen baǵdarlamalar laıyqty deńgeıde tıimdi emes sııaqty», - dedi ortalyq jetekshisi.
Aıta keteıik, J.Jandosova bul pikirin «Jemqorlyqqa qarsy mádenıet memlekettik múlikti basqarý tıimdiligin qamtamasyz etý negizderiniń biri» degen taqyryptaǵy qalalyq konferentsııada bildirdi.
