Qazaqstannyń jeke sot oryndaýshylary óz qyzmetteri aýmaǵynan tys jumystardy atqarmaq
ASTANA. QazAqparat - Jeke sot oryndaýshylary ózderiniń qyzmeti aýmaǵynan tysqary jumystardy atqarýǵa tyrysýda.
Bul týraly búgin «Sot aktileriniń zańnamalyq oryndalýyn qamtamasyz etý. Jeke sot oryndaýshylary ınstıtýtyn odan ary damytý» taqyrybyndaǵy halyqaralyq konferentsııada QR Joǵarǵy Sotynyń sýdıasy Núrııa Sısenova málim etti.
«Atqarýshylyq óndiris týraly» Zańnyń 152-babyna sáıkes, oblys ortalyqtary men Astana jáne Almaty qalalary shegindegi jeke sot oryndaýshylarynyń qyzmet aýmaǵy oblys ortalyqtary men Astana jáne Almaty qalalarynyń búkil terrıtorııasyn qamtıdy. Máselen, Batys Qazaqstan oblystyq mamandandyrylǵan aýdanaralyq ekonomıkalyq sotynyń sheshimimen «ıÝjno-Gremıachenskoe» JShS-nen 16 mln. 800 myńge somasyndaǵy bereshek óndirilip alyndy. 2015 jyldyń 25 jeltoqsanynda jeke sot oryndaýshylarymen atqarýshylyq óndiris qozǵaldy. Sotpen sot oryndaýshysyna atqarýshylyq qujat usynylǵan sátte boryshkerdiń Batys Qazaqstan oblysy aýmaǵynda uıymy nemese múlkiniń bar ekendigin qýattaıtyn eshqandaı qujat usynylmaǵandyǵy anyqtaldy. Osyǵan qaramastan jeke sot oryndaýshysy atqarýshylyq óndiristi qozǵaǵan. Bul Zańnyń 152-baby talaptaryn buzady», - dedi N.Sısenova.
Onyń aıtýynsha, sot oryndaýshysy boryshkerdiń Batys Qazaqstan oblysy aýmaǵynda múlkiniń joq ekendigin bile tura, qasaqana atqarýshylyq óndiristi qozǵaǵan. Anyqtalǵan zań buzýshylyqqa baılanysty sot jeke sot oryndaýshysyna qatysty sot anyqtamasyn engizdi.
Sýdıanyń túsindirýinshe, Zańnyń 52-babyna sáıkes, atqarýshylyq is-qımyl sot oryndaýshysy tarabynan boryshkerdiń turǵylyqty meken jaıy nemese jumys orny, ne bolmasa onyń múlkiniń ornalasqan jeri boıynsha júrgiziledi.
