Qazaqstannyń jaýyngerlik óner jáne «Qazaq kuresi» assotsıatsııalary Elbasynyń jazylyp ketýin tileıdi

NUR-SULTAN. QazAqparat - Qazaqstannyń jaýyngerlik óner jáne «Qazaq kuresi» assotsıatsııalary koronavırýs indeti anyqtalǵan Tuńǵysh Prezıdent – Elbasynyń tezirek saýyǵyp ketýin tilep, hat joldady, dep habarlaıdy QazAqparat.

«Sizdiń erik-jigerińiz, kúsh qaıratyńyz ben tabandy minezińiz jas sportshylarǵa qashanda úlgi. Siz salaýatty ómir saltyn ustanasyz, adamdardy sportpen aınalysýǵa shaqyrasyz, motıvatsııa beresiz. Sizge qarap tek sport pen qımyl-qozǵalys adamdy tonýsta ustaıtynyna senemiz. Sizge zor densaýlyq tileımiz! Qazaqstannyń sport qaýymdastyǵy árqashan sizdi qoldaıdy!» - delingen assotsıatsııa hatynda.