Qazaqstannyń jastar quramasy Frantsııada 2013 jylǵy Eýropa chempıonatynyń irikteý týryndaǵy 4-matchyn ótkizedi
ALMATY. 4 qazan. QazAqparat /Erlik Erjanuly/ - Qazaqstannyń 21 jasqa deıingi jastar quramasy 7 qazan kúni Frantsııanyń Klermon-Ferran qalasynda 2013 jylǵy Eýropa chempıonatynyń irikteý týryndaǵy kezekti matchyn ótkizedi.
Slobodan Krchmarevıch jattyqtyratyn qazaqstandyqtardyń qorjynynda 3 kezdesýden keıin 2 upaı bar. Sońǵy oqý-jattyǵý jıynyna bas bapker 24 fýtbolshyny shaqyrǵan bolatyn. Frantsııaǵa olardyń 21-in iriktep aparmaq. Olar buǵan deıin Rýmynııamen 3-shi maýsymda syrta alańda 0:0, 2-qyrkúıekte óz alańynda 1:1 esebimen teń tústi. Tek 6-shy qyrkúıekte óz alańyndaǵy alǵashqy synda Slovakııa aıaqdopshylaryna 0:1 esebimen ese jiberdi.
Jalpy týrnır qorytyndysy boıynsha qazir 2 oıynan keıin 6 upaımen slovak aıaqdopshylary kósh bastap kele jatyr. 3 oıynda 5 upaı jınaǵan rýmyndar ekinshi, al alǵashqy kezdesýde 3 upaı oljalaǵan frantsýzdar úshinshi orynda tur. Buǵan deıin úsh-úshten oıyn ótkizgen Qazaqstan 2 upaımen tórtinshi, al qorjynynda birde-bir upaı joq Latvııa sońǵy 5-orynda kele jatyr.
