Qazaqstannyń jastar birlestikteri prezıdenttik saılaýdyń nátıjesin tolyǵymen qoldaıdy

Bul týraly búgin Astanada ótken baspasóz máslıhatynda birqatar jastar birlestikteriniń jetekshileri málim etti.

«Aýyl jastary odaǵy» korporatıvti qorynyń teń tóraǵasy Vasılıı Palaevtiń sózine qaraǵanda, aýyl jastary Elbasynyń memlekettilikti ary qaraı nyǵaıtý, qarqyndy áleýmettik-ekonomıkalyq reformalardy júrgizý, sondaı-aq álemdik sahnada Qazaqstannyń bedelin kúsheıtý sekildi josparyn qoldaıtynyn jetkizdi.

«Prezıdent saılaýynda myńdaǵan aýyl jastary senimdi túrde óz daýystaryn Nursultan Nazarbaevqa berdi. Bul saılaý ashyq ári ádil ótti. Saılaýǵa qatysqan kandıdattar óz ıdeıalaryn jetkizýde teń múmkindikke ıe boldy»,-dedi ol.

Sonymen qatar atalǵan baspasóz máslıhatyna qatysqan basqa da jastar uıymdarynyń ókilderi ótken prezıdenttik saılaýǵa baılanysty ózderiniń pikirlerimen bólisip, onyń qorytyndysymen tolyq kelisetindikterin aıtyp ótti.