Qazaqstannyń jastar aqparattyq qyzmeti Azamattyq bilim berý mektebiniń kúzgi kýrstaryna qatysýǵa baıqaý jarııalady

Oǵan 14 pen 29 jas aralyǵyndaǵy barlyq jastar tegin qatysa alady. Onda úmitkerlerdiń qazaq ne orys toptarynda óz qalaýy boıynsha 1-30 qyrkúıek, 1-30 qazan jáne 1-30 qarasha kúnderi ótetin 3 kýrstyń birin tańdap, ony bitirgen soń arnaıy sertıfıkat alýǵa múmkindigi bar. Azamattyq bilim berý mektebinde olarǵa qazaqstandyq belgili saıasatkerler, saıasattanýshylar, jýrnalıster, ekonomıster jáne mádenıet pen bilim qaıratkerleri dáris oqyp, semınar men sheberlik synyptaryn júrgizedi. Bul jobany EQYU-nyń Astanadaǵy ortalyǵy, Ulttyq demokratııalyq ınstıtýt pen Qazaqstandaǵy Frıdrıh Ebert qorynyń qoldaýymen Qazaqstannyń jastar aqparattyq qyzmeti uıymdastyryp otyr. Maqsat - jastarǵa azamattyq qoǵamnyń ne ekenin jáne ondaǵy ár azamattyń orny men olardyń óz quqyǵyn qalaı qorǵaýǵa bolatynyn túsindirý.