Qazaqstannyń jasóspirim fýtbolshylary Prezıdent kýbogynyń fınalyna ótti
NUR-SULTAN. QazAqparat – Fýtboldan Qazaqstannyń jasóspirimder komandasy Nur-Sultanda ótip jatqan QR Prezıdenti kýbogynyń fınalyna shyqty, dep habarlaıdy QazAqparat olympic.kz saıtyna silteme jasap.
Qazaqstan komandasy jartylaı fınalda Lıtvamen oınady. Kezdesýdiń 18-shi mınýtynda qarsylas komandanyń shabýylshysy Nedas ıÝrıs Shımkýtıs esep ashqan edi. Degenmen, kóp ýaqyt ótpeı Qazaqstan jasóspirimder komandasynyń jartylaı qorǵaýshysy Abzal Qalaý eki gol soǵyp, esepti alǵa shyǵardy. Matchtyń sońyna qaraı Danıl Ankýdınov lıtvalyq qaqpashynyń qateligin paıdalanyp, úshinshi gol saldy. Keıinnen Armandas Kýchıs aıyp dobyn soǵyp, ony qazaqstandyq komandanyń qaqpasyn dóp túsirdi. Match esebi – 3:2.
Qazaqstannyń jasóspirimder komandasy týrnırdiń fınalynda Tájikstan quramasymen oınaıdy.
