Qazaqstannyń jasóspirim boksshylary AIBA-nyń bıylǵy sońǵy jarysyna tolyq quramda qatysady
ASTANA. QazAqparat - 14-27 qarasha kúnderi Sankt-Peterborda bokstan jastar arasyndaǵy álem chempıonaty bastalady. Bul jarystar Halyqaralyq áýesqoı boks qaýymdastyǵynyń (AIBA) bıyl ótkizetin sońǵy saıysy, dep habarlaıdy Azııa boks konfederatsııasy.
«Bıyl mamyr aıynda Pavlodarda dál osy jas sanaty boıynsha bokstan Azııa chempıonaty ótti. Meniń oıymsha, Azııa atletteri aldaǵy Álem chempıonatynda ózderin jaqsy qyrynan tanytady. Bálkim, 2020 jyly Tokıo Olımpıadasyna qatysatyn jańa boks juldyzdarynyń esimin biletin bolarmyz», - dedi Azııa boks konfereatsııasynyń atqarýshy dırektory Baqdáýlet Tórehanov.
Álemdik jarysqa 1998-1999 jyldary týǵan jas órender qatysa alady. Azııa qurlyǵynyń 20 elinen 120 boksshynyń qatysatynyn da atap ótken jón. Úndistan, Iran, Qazaqstan jáne Ózbekstan komandalarynyń tolyq qurammen qatysatyny málim boldy.
Sankt-Peterbýrgtegi álem birinshiligi 2016 jylǵy Jastar arasyndaǵy bokstan álem chempıonaty besinshi ret ótedi, buǵan deıin jarystar Meksıkada (2008 j.), Ázerbaıjanda (2010 j.), Armenııada (2012 j.) jáne Bolgarııada (2014 j.) ótti.
