Qazaqstannyń jas ziltemirshileri Dohada 2 altyn, 4 kúmis jáne 1 qola medal enshiledi
ASTANA. QazAqparat - Bul kúnderi Katar astanasy Dohada 17 men 20 jasqa deıingi jasóspirimder arasynda aýyr atletıkadan Azııa chempıonaty ótýde.
Qazaqstan qorjynyna altyn júldelerdi 50 kelige deıingi salmaqta óner kórsetken (U-17) Igor Son men 69 kelidegi Albert Lınder (U-20) jeńip aldy. Igor Son 208 kelini (93+115) baǵyndyrsa, Albert Lınder qossaıysta 311 keli (140+171) kóterdi.
Qazaqstan quramasynan kúmis júldeni ıelengender:
Áıgerim Aýylbek (58 keli) - 171 keli (76+95) - 17 jasqa deıin;
Krıstına Krahaleva (63 keli) - 192 keli (84+108) - 20 jasqa deıin;
Mıhaıl Makeev (77 keli) - 320 keli (140+180) - 20 jasqa deıin;
Semen Lınder (85 keli) - 317 keli (147+170) - 20 jasqa deıin;
Qola medal Tımýr Hasarovtyń (56 keli) enshisinde.
Altynaı Dámen (58 keli, nátıje - 173 keli), Mıhaıl Drozdov (62 keli, nátıje - 251 keli) men Jasulan Qalıev (77 keli, nátıje - 294 keli) 4-oryndy ıelendi.
Azııa chempıonaty 31 jeltoqsanda bastaldy jáne 7 qańtarǵa deıin jalǵasady. Chempıonattyń sońǵy kúninde 105 kelide óner kórsetetin qazaqstandyq ziltemirshi Selimhan Ábýbákirov shyǵady.
