Qazaqstannyń jas tennısshileri Qyrǵyzstandaǵy týrnırde úzdik shyqty
ASTANA. QazAqparat - Qazaqstandyq jas tennısshiler Qyrǵyzstannyń Sholpan-Ata qalasynda jasóspirimder arasynda ótken ITF Juniors J60 týrnırinde tabysty óner kórsetti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, juptyq synda Іńkár Dúısebaı men Damır Qaldybekov úzdik shyǵyp, chempıon atandy.
Іńkár reseılik Ekaterına Hodjaevamen birge fınalda qazaqstandyqtar Ádemi Amankeldi - Satı Áýbákirovany utty - 6:2, 7:5.
Damır reseılik Makar Krıvochehoapen birge sońǵy básekede ózbekstandyqtar Ilos Abrorov - Bekzod Nematovty qapy qaldyrdy - 6:3, 3:6, 10:6.
Jekeleı synda Jaqas Qozybaq fınalǵa deıin jetip, jarystyń úshinshi raketkasy, úndistandyq Raıan Kýthratqa jol berdi - 5:7, 1:6.
Qyzdar arasynda Anastasııa Krymkova tıtýl úshin matchta E.Hodjaevadan utyldy - 1:6, 4:6.
Eske sala keteıik, budan buryn Elena Rybakınanyń resmı túrde álemniń úshinshi raketkasy atanǵanyn jazǵan bolatynbyz.
Sondaı-aq Aleksandr Býblık álemdik reıtıngide úzdik elýlikke qaıta kirdi.
Tennısshi Beıbit Juqaev Pýerto-Rıkodaǵy týrnırdi jeńispen bastady.
