Qazaqstannyń jas tennısshileri álem chempıonatyna irikteý saıysynda jeńiske jetti
NUR-SULTAN. QazAqparat – Qazaqstan jasóspirimder quramasy Úndistannyń Nıý-Delı qalasynda ótip jatqan Bıllı Djın Kıng kýbogynyń (álem chempıonaty) irikteý saıysyn jeńispen bastady, dep habarlaıdy QazAqparat tilshisi.
Qazaqstan tennıs federatsııasy málim etkendeı, qazaqstandyq jasóspirim qyzdar búgin D tobynda Ońtústik Koreıa komandasymen sheberlik baıqasty.
Alǵashqy bolyp kortqa Asyljan Arystanbekova shyqty. Onyń Kım E ıÝnmen kezdesýi tartysty órbidi. Birinshi partııada qazaqstandyq tennısshi basymdylyq tanytty – 6:3. Ekinshisinde breık jasaǵan koreıalyq sportshy ese qaıyrdy – 6:4. Úshinshi, sheshýshi sette ol esh múmkindik qaldyrǵan joq – 6:0.
Ekinshi oıynda Aııa Nupbaı Son Ha ıÝndy ońaı jeńdi – 6:1, 6:2.
Match taǵdyry juptyq synda sheshildi. Munda A.Nupbaı Karına Jumadjanovamen birge bir saǵatqa jýyq ýaqyt ishinde Son Ha ıÝn men Kım E ıÝnnyń meselin qaıyrdy – 6:4, 6:1.
Erteń Qazaqstan jasóspirimder quramasy Vetnam qyzdarymen oınaıdy. Vetnamdyqtar búgin Sıngapýr quramasyn 2:1 esebimen tize búktirdi.
Eske sala keteıik, budan buryn Qazaqstan jasóspirimder quramasynyń qarsylastary anyqtalǵanyn, qazaqstandyq tennısshilerdiń álemdik reıtıngide jeke rekordtyq nátıjege qol jetkizgenin jazǵan bolatynbyz.
