Qazaqstannyń jas tennısshileri 35 halyqaralyq jarysta chempıon atandy - D. Dosqaraev
ASTANA. QazAqparat - Qazaqstannyń jas tennısshileri 35 halyqaralyq jarysta chempıon atandy. Bul týraly búgin Astanada bıylǵy jyldyń qorytyndysy men 2015 jylǵy maqsat-mindetterge arnalǵan esepti konferentsııadan keıingi brıfıngte Qazaqstan tennıs federatsııasynyń atqarýshy dırektory Dıas Dosqarev málim etti.
Onyń aıtýynsha, 2014 jyl Qazaqstan tennısi úshin tabysty boldy. Azııa oıyndarynda elimizdiń erler altynǵa qol jetkizse, áıelder quramasy qolany ıelendi.
«Bizde «Team Kazakhstan» akademııasynyń tárbıelenýshilerinen quralǵan jas býyn ósip kele jatyr. Bıyl 12-18 jas aralyǵyndaǵy tennısshilerimiz 35 halyqaralyq jarysta chempıon atandy»,-dedi D. Dosqarev.
Osy oraıda ol sporttyń bul túrin damytý turǵysynda balabaqshalarmen jáne mekteptermen yntymaqtastyq júrgizilýde. «Biz osy sport boıynsha úlken áleýetti baıqap otyrmyz. Bul óz kezeginde tennısti damytýǵa jaqsy múmkindik»,-dedi atqarýshy dırektor.
