Qazaqstannyń jas robototehnıkteri Dýbaıda qola medal jeńip aldy
NUR-SULTAN. QazAqparat – Qazaqstannyń jas robototehnıktary FIRST Global chempıonatynda qola medal jeńip aldy, dep habarlaıdy QazAqparat.
«Qazaqstannyń jas robototehnıktary 24-27 qazan aralyǵynda Dýbaıda ótken álemniń eń áıgili FIRST Global chempıonatynda qola medal jeńip aldy. Bıylǵy jarysqa 191 memleketten eń bilikti oqýshylar qatysyp, baq synasty. FIRST Global-dyń eki kúndik irikteýiniń nátıjesi boıynsha bizdiń balalar - Dılnaz Kamalova, Jenıbek Manabaev, Baqtııar Temirov, Eltaı Qasym jáne Erjan Qabdyqaıyrov - barlyq qarsylastaryn basa ozyp, maýsymnyń favorıtine aınaldy. Oqýshylarymyz Izraıl, Qytaı, Sıngapýr jáne basqa damyǵan memlektterden kelgen eń úzdik oıynshylardy jeńip, top jardy», - delingen Kerneu Technologies kompanııasynyń Facebook-tegi paraqshasynda jarııalanǵan aqparatta
Elimizdiń namysyn Almatylyq Nazarbaev Zııatkerlik mektebiniń, Heılıberı Qazaqstan, sondaı-aq Qaraǵandynyń Nurmaqov atyndaǵy mamandandyrylǵan mektep-ınternatynyń oqýshylary qorǵady. Jas robototehnıkter bul jeńispen Qazaqstan STEM salasynda damyǵan memleket ekenin barsha álemge moıyndatty.
