Qazaqstannyń jas fýtbolshysy serbııalyq komandaǵa aýysty
NUR-SULTAN. QazAqparat – Qazaqstan jastar quramasyna shaqyrtý alǵan fýtbolshy Izat Quljanov Serbııanyń «Radnıchkı Pırot» komandasyna aýysty, dep habarlaıdy QazAqparat.
Aqparatty agenttik tilshisine fýtbolshynyń ózi aıtty. Izat qazir Serbııada. Ol buǵan deıin «Ertis» fýtbol klýbynda oınaǵan.
Eske salsaq, buǵan deıin biz Pavlodardyń «Ertis» klýby fýtboldan Qazaqstan chempıonatyna qatysýdan bas tartqany jáne klýbta qarjylaı qıynshylyqtar bar ekeni týraly habarlaǵan bolatynbyz.
18 jastaǵy Izat Quljanov – Aqsý fýtbol mektebiniń túlegi. 2009 jyly belgili sport bapkeri Manarbek Qasenovtiń qol astynda jattyǵý jasady. Keıin «Ertistiń» jastar komandasyna alyndy. Birneshe ret Qazaqstan jastar quramasyna shaqyrtylǵan. 2019 jyly Pavlodar klýby sapynda 32 matchqa qatysyp, 8 gol soqty. Izat jartylaı qorǵaýshy shebinde dop tebedi.
Izat Quljanovtyń jańa komandasy «Radnıchkı Pırot» Serbııanyń birinshi lıgasynda oınaıdy. Ujym byltyr lıgany 13-shi orynda aıaqtaǵan.
Foto: prosports.kz
