Qazaqstannyń jas bıatlonshylary Estonııadaǵy chempıonatta top jardy
ASTANA. QazAqparat - Bıatlonnan Qazaqstan ulttyq quramasy Estonııanyń Otepıa qalasynda oqý-jattyǵý jıyndaryn ótkizip jatyr dep jazady Olympic.kz.
Ulttyq quramadan bólek, jas sportshylarymyz Estonııanyń jazǵy ashyq chempıonatyna qatysyp, jaqsy nátıje kórsetti.
Atap aıtar bolsaq, bıatlonnan jasóspirimder arasyndaǵy Estonııanyń jazǵy ashyq chempıonatyna qatysqan Kırıll Baýer men Vladıslav Kıreev jekelegen saıysta kúmis jáne qola júldeger atandy.
Sondaı-aq, Semen Vdovın men Nıkıta Akımov te tuǵyrdyń ekinshi jáne úshinshi satysyna kóterildi.
Al qyzdar arasynda qazaqstandyqtardyń túgeldeı derlik jeńis tuǵyrynan kórindi. Ksenııa Dolgolapova, Arına Sheshýkova jáne Veronıka Kýlakova ózara medaldardy bólisti. Estonııanyń ashyq chempıonatyna Qazaqstan, Estonııa jáne Latvııa sportshylary qatysýda.
"Komandanyń oqý-jattyǵý jıyny joǵary deńgeıde ótip jatyr. Bizdiń alańsyz jattyǵýymyzǵa Ulttyq Olımpıada komıteti men Mádenıet jáne sport mınıstrligi, sondaı-aq, Qazaqstan bıatlonshylar odaǵy kúsh salýda. Estonııadaǵy jıynnan soń biz Chehııada ótetin jazǵy bıatlonnan álem chempıonatyna qatysýdy josparlap otyrmyz. Buǵan deıin Avstrııada jattyqqan bolatynbyz. Aldaǵy maýsymǵa daıyndyǵymyz jaqsy ótýde", - deıdi bas bapker Maqsat Sharanov.
