Qazaqstannyń jas aýyr atletshileri Azııa chempıonatynda baq synaıdy
ASTANA. QazAqparat - Qazaqstannyń jas sportshylary aýyr atletıka boıynsha Azııa chempıonatyna qatysady. QR aýyr atletıka federatsııasy habarlaǵandaı, jarys 17 jasqa deıingi uldar men 20 jasqa deıingi qyzdar arasynda ótkiziledi.
Birinshilik 12 naýryzǵa deıin jalǵasady. El namysyn 5 sportshy qorǵaýda. Olar: Tımýr Hasarov (56 kg), Mıhaıl Makeev (69 kg), Selimhan Ábýbákirov (+94 kg), Ádilbek Balhaev (62 kg), Albert Lınder (69 kg). Federatsııa atalǵan sportshylardyń Qazaqstandaǵy irikteý chempıonatynan súrinbeı ótkenin aıtty.
Azııa Chempıonaty qurlyqtyq birinshilikter arasyndaǵy bedeldi jarystardyń biri. Jarys jeńimpazdary álem chempıonatynda, jasóspirimder arasyndaǵy olımpıada oıyndarynda jáne ózge de iri jarystarda baǵyn synaýǵa joldama alady.
