Qazaqstannyń Jańa jyly Naýryz merekesimen bastalýy tıis - respýblıkalyq basylymdarǵa sholý

«Egemen Qazaqstan» gazetiniń senbilik nómirinde Memleket basshysy Nursultan Nazarbaevtyń «Qazaqstan» ortalyq kontsert zalynda Naýryz meıramyna arnalyp uıymdastyrylǵan merekelik kontsertti tamashalap, kontsert bastalmas buryn jınalǵan qaýymǵa jáne barsha qazaqstandyqtarǵa arnalǵan merekelik quttyqtaý sózi jarııalandy. Elbasynyń quttyqtaýynda «Bizdiń ulttyq qundylyqtary­myz, rýhanı muralarymyz áz-Naý­ryzben bite qaınasqan. Tarıhtyń talaı buralań joldarynan ótken taǵdyrly halqymyz qandaı kezeńde bolsa da Naýryzdy jadynan shy­ǵar­ǵan emes. Aq peıil jurtymyz qashanda Ulystyń Uly kúnin aq das­tarqan jaıyp, aq tilekpen qar­sy alǵan. Eldiń tynyshtyǵyn, ha­lyqtyń yntymaǵyn tilegen. Bul kúni bulaq kózin ashyp, shybyq qadap, kórshisine kómek berip, saýap­ty izgi istermen aınalysqan. Biz urpaqtan-urpaqqa úzdiksiz jal­ǵa­syp kele jatqan osyndaı ıgi dás­túrlerdi óristetip, onyń mazmu­nyn baıyta túsýimiz kerek», delingen.

Keshe Premer-Mınıstr Kárim Másimov BUU-nyń Bosqyndar isi jónindegi Joǵarǵy komıssary basqarmasynyń Qazaqstan Respýblıkasyndaǵy óńirlik úılestirýshisi Saber Azammen kezdesti. «Egemen Qazaqstan» gazetiniń jazýynsha, kelissóz barysynda bosqyn­darǵa, sonyń ishinde tótenshe jaǵdaılarda da kómek kórsetý, sondaı-aq olardyń quqyqtaryn qorǵaý tetikterin damytý máse­leleri talqylandy. Saber Azam Úkimet basshysyna BUU Joǵarǵy komıssary bas­qar­masy ókildiginiń qyzmeti týraly habarlap, Qazaqstannyń bosqyn­dardyń el aýmaǵyndaǵy mártebesin aıqyndaıtyn bosqyndar týraly zańdy qabyldaǵanyna qoldaý bildirdi.

«Keshe Aqordada Memlekettik hatshy - Syrtqy ister mınıstri Qanat Saýdabaevtyń tóraǵalyq etýimen Shetelderde kadrlar daıyndaý jónindegi respýblıkalyq komıssııanyń kezekti otyrysy boldy, dep jazady «Egemen Qazaqstan» gazeti. Úmitkerlerdiń eń kóbi Ulybrıtanııa JOO-laryna barýdy qalaǵan kórinedi. Olardyń sany 55 adam, al Reseıge - 50 jáne AQSh-qa 31 úmitker barýdy kózdep otyr. Sondaı-aq Polsha, Ispanııa, Slovakııa, Shveıtsarııa, Germanııa, Frantsııa, Kanada, Italııa, Belgııa, Malaızııa, Sıngapýr jáne t.b. elderdi qalaǵandar da bar. «Bolashaqtyqtar» tańdaǵan basymdy mamandyqtar arasynda «Kásibı bilimniń teorııasy men metodıkasy», «Pedagogıkalyq dıa­gnostıka, bilim sapasyn baǵa­laý men basqarý», «Shyǵystaný», «Aqparattyq tehnologııa», «Eko­logııa», «Quqyq», «Ekonomıka», «Bıotehnologııa», «Memlekettik saıasat», «Qoǵamdyq densaýlyq saqtaý», «Menedjment» jáne basqalar bar. Otyrys qorytyndysy boıyn­sha Respýblıkalyq komıssııa «Bolashaq» stıpendııasyn 139 úmitkerge beretindigi jóninde sheshim qabyldady.

***

Áz-Naýryz meıramyna oraılastyrylǵan, «Naýryz nury» dep atalǵan merekelik kesh keshe Astanadaǵy «Qazaqstan» kıno-kontserttik zalynda ótti. Oǵan qatysqan Elbasy Nursultan Nazarbaev barsha qazaqstandyqtardy «Ulystyń uly kúnimen» quttyqtaǵan. «Aıqyn» gazetiniń jazýynsha, merekelik shara barysynda jasalǵan el Prezıdentiniń keshegi málimdemesi alda qoǵamdyq pikirde áli-aq úlken dúmpý týǵyzary anyq! Memleket basshysy jyl basyn tek rýhanı ǵana emes, resmı turǵydan da naýryzdyń 1-inen bastaý týraly ıdeıasyn ortaǵa tastady. Osyǵan oraı basylymda «Bizdiń «Jańa jylymyz» osy merekeden bastalsa durys bolar edi» degen taqyryppen maqala jarııalandy. Onda QR Prezıdentiniń «Oılap qarasaq, bizdiń «Jańa jylymyz» osy merekeden bastalsa durys bolar edi! Áneýgúni aqpanda qytaılar óziniń, koreıler óziniń jyl basyn toılap jatty. Al biz Petr І-diń alyp kelgen 1-shi qańtarymen júrmiz áli kúnge deıin!», degen sózi keltirilgen.

Eldik nyshandardy dáripteý - erlikke de bastaıtyn qasıet». Osy taqyryppen «Aıqyn» gazetiniń senbilik sanynda jaryq kórgen maqalaǵa keshe Parlamentte ótken «Memlekettik til - el birliginiń kepili» atty ǵylymı jıyn arqaý bolǵan. Osy jıynǵa qatysýshylarǵa arnalǵan Premer-Mınıstr Kárim Másimovtiń hatynda Úkimet tarapynan memlekettik tildiń damýyna jan-jaqty materıaldyq-tehnıkalyq jáne qarjylaı qoldaý jalǵasa beretindigi aıtylǵan. Al jıynda negizgi baıandamany Májilis basshysy O.Muhamedjanov jasady. «Tildiń qoǵamda keńinen qoldanylýyna qol jetkizý úshin birinshi mindet - ony úıretý. Til úıretýdiń tetigi, eń aldymen, balabaqsha, mektep, sosyn joǵary oqý orny, til úıretý ortalyqtary bolyp jalǵasa beretini belgili. Endeshe, memlekettik tildi respýblıka azamattarynyń ıgerýi isindegi jetistikterimizdi nemese olqylyqtarymyzdy naq osy býyndardan izdeýimiz kerek bolar», dep ol óz baıandamasynda.

«Aıqyn» gazetiniń dástúrli «Aq sóıle!» aıdarynyń búgingi qonaǵy - Zeınep Ahmetova. «Naýryz kúni mal soımaıdy, qan shyǵarmaıdy...» degen taqyryppen berilgen suhbatty egjeı-tegjeıli oqyǵyńyz kelse, basylymnyń senbilik sanyna nazar aýdaryńyz.

***

«Alash aınasy» gazetiniń senbilik nómiri tolyǵymen ulystyń uly kúni Naýryz merekesine arnalǵan. Basylymnyń dástúrli «Oı-kókpar» aıdarynda «Naýryzdy qarsy alýdyń naqty saǵatyn belgileý kerek pe?» degen saýal elimizge esimi belgili eki azamatqa qoıylǵan.

Fılologııa ǵylymynyń doktory Islam Jemeneı «naýryzdyń 21-inen 22-sine óter túndi jańa jyldy qarsy alý merekesi retinde tolılaýdyń mańyzy zor. Bul bastamany qýana otyryp qoldaımyn. Otbasynyń tórt kózi túgel qosylyp, naýryz kóje iship, Qyzyr babadan tilek tilese, ulttyq ereksheligimizge áldeqaıda jaqyn dúnıe bolmas pa edi. Jáne osy bastamany resmı túrde memleket tarapynan bekitsek, ony otbasylyq merekege aınaldyrýǵa da bolady» dese, aqyn, halyqaralyq «Alash» syılyǵynyń ıegeri Qasymhan Begmanov «joq, Naýryz merekesin qarsy alýdyń naqty bir saǵatyn belgileý arqyly ony otbasylyq merekege aınaldyrýǵa qarsymyn. Bul Naýryz merekesiniń keńinen toılanýyn da shekteýge alyp keledi. Sondyqtan muqııat aldy-artyn oılastyrǵan jón», depti.

«Astana aqshamy» gazetiniń aıqara betinde belgili jazýshy, jýrnalıst-zertteýshi, Qazaq aqparat agenttiginiń bas redaktory Jarylqap Beısenbaıulymen aradaǵy suhbat «Derek pen dáıekke súıengendi qolaı kóremin» degen taqyryppen jarııalandy. Basylym tilshisiniń san alýan suraqtaryna tushymdy jaýap bergen J.Beısenbaıuly Naýryz meıramynyń tól tarıhyna oraı qoıylǵan saýalǵa «bes myń jyldyq tarıhy bar Naýryz meıramynyń paıda bolǵan jeri - arıler men arǵy túrkter aralasa-quralasa qonǵan meken - búgingi Ortalyq Azııa jeri desek te bolady», degen pikirin bildirgen.

Sondaı-aq bul basylymnan Naýryz merekesine qatysty kóptegen aqparattar alýǵa bolady.

***

Almaty oblysyndaǵy Qyzylaǵash aýylyn sý tasqyny shaıyp ketkenine, 40 adamnyń qaza tapqanyna 9 kún boldy. Keshe jańa eldimeken qurylysynyń alǵashqy tasy qalandy. Apat bolǵan aımaqta qazirgi ýaqytta ne bolyp jatyr? Oqıǵaǵa kim kináli? Sý tasqyny bılik úshin sabaq boldy ma? Bul saýaldarǵa jaýap bergen oblys ákiminiń orynbasary Serik Muqanovtyń suhbatyn oqyǵyńyz kelse, «Vremıa» gazetine nazar aýdaryńyz.

«Elordadan gýmanıtarlyq júk tıelgen avtokerýen sý tasqynynan zardap shekken Almaty oblysynyń Aqsý aýdanyna qarasty Qyzylaǵash aýylyna attandy», dep jazady «Vechernıaıa Astana» gazeti.

Almaty oblysyna attanǵan avtokerýen jaıynda egjeı-tegjeıli jazylǵan maqalalardy «Egemen Qazaqstan», «Astana aqshamy» gazetterinen de oqı alasyzdar.