Qazaqstannyń jańa Keden kodeksi baj salyǵyn tóleýdi shegerýge múmkindik beredi
Bul týraly jobany tanystyrǵan QR Ulttyq ekonomıka mınıstri Tımýr Súleımenov málimdedi.
Vedomstvo basshysynyń málimdeýinshe, Kodekste aqparattyq tehnologııalarǵa basymdyq berýden bólek, syrtqy ekonomıkalyq qyzmetke qatysýshylar úshin óz shyǵyndaryn ońtaılandyrýǵa birqatar múmkindikter paıda boldy. Máselen, olar kedendik baj ben salyq tóleý merzimin uzarta alady.
«Eger deklarant qandaı da bir sebeptermen kedendik baj salyǵy men salyqtardy tóleı almasa, bul merzimdi memleket paıyz tóleý jolymen bir aıǵa uzarta alady. Jekelegen jaǵdaılarda alty aıǵa deıin paıyzsyz shegerýge bolady. Bul halyqaralyq kelisimder aıasyndaǵy jetkizilimderdi júzege asyrýda, aýyl sharýashylyǵy tehnıkasyn, egistik materıaldaryn, asyl tuqymdy maldy jetkizý kezinde, salyq tóleýshi tabıǵı, tehnologııalyq apattan nemese ózge de sebeptermen zardap shekken jaǵdaıda júzege asyrylady», - dep túsindirdi T.Súleımenov.
Eske sala ketsek, búgingi Úkimet otyrysynda QR Ulttyq ekonomıka mınıstri Tımýr Súleımenov «Qazaqstan Respýblıkasyndaǵy Kedendik retteý týraly» QR Kodeksiniń jobasyn tanystyrdy . Mınıstrdiń aıtýynsha, jańa Keden kodeksiniń qoldanystaǵy kedendik zańnamadan basty aıyrmashylyǵy - bıznes protsesterdiń avtomattandyrylýy jáne elektrondy deklaratsııalaý basymdyǵynyń engizilýi.
