Qazaqstannyń jańa ınvestıtsııalyq saıasatynyń tujyrymdamasy ázirlenip jatyr
«Búginde mınıstrlik memlekettik organdarmen jáne Dúnıejúzilik bankpen birlesip, Qazaqstan Respýblıkasynyń 2025 jylǵa deıingi jańa ınvestıtsııalyq saıasatynyń tujyrymdamasyn ázirleýde. Tujyrymdama jańa ınvestıtsııalyq tsıkldy qalyptastyrýǵa jáne koronavırýs ınfektsııasy pandemııasynan týyndaǵan jańa trendterdi eskere otyryp, ınvestıtsııalar tartý saıasatyn qaıta qarastyrýǵa múmkindik beredi», - dedi Á. Ábdiqadyrov Ortalyq kommýnıkatsııalar qyzmetinde.
Nátıjesinde, eńbek ónimdiligin arttyrýǵa jáne eksporttyq qorjyndy kúrdelendirýge baǵyttalǵan sapaly ınvestıtsııalar tartýǵa baǵyttalǵan júıeli is-sharalar iske asyrylatyn bolady.
«Tujyrymdamany iske asyrý úshin júıeli jáne salalyq is-sharalardy iske asyrý jónindegi egjeı-tegjeıli is-qımyl jospary ázirlenetin bolady. Tutastaı alǵanda, atalǵan barlyq jaǵdaılardy jasaý ekonomıkany damytýdyń jáne halyqtyń ál-aýqatyn arttyrýdyń túıindi draıverine aınalatyn jańa ınvestıtsııalyq tsıkldy iske qosýdy qamtamasyz etedi», - dedi vıtse-mınıstr.
Budan buryn habarlanǵandaı, Álisher Ábdiqadyrov pandemııanyń shekteý is-sharalary jaǵdaıynda jahandyq tikeleı shetel ınvestıtsııalary aǵyndary 35%-ǵa tómendegenin aıtty.
Bıyl Qazaqstanǵa 20 mlrd AQSh dollary kóleminde ınvestıtsııa tartylmaq.
