Qazaqstannyń jaqyn bolashaqta sheshýi tıis basty máselelerdiń biri - basqarýshylyq menedjmentpen baılanysty - sarapshy pikiri
ASTANA. 7 sáýir. QazAqparat /Aıdar Ospanalıev/ - «Qazaqstannyń jaqyn bolashaqta ishki saıası jaǵdaıyna baılanysty sheshýi tıis basty máselelerdiń biri - basqarýshylyq menedjmentpen baılanysty.
Bul týraly búgin Astanada «Qazaqstandaǵy prezıdenttik saılaý: qorytyndylary jáne odan arǵy perspektıvalary» atty taqyrypta ótken eýrazııalyq jeliniń II otyrysynda Máskeý memlekettik ýnıversıtetiniń aqparattyq-taldaý ortalyǵynyń dırektory Alekseı Vlasov aıtty.
«Qazaqstannyń basshysy komandasymen myqty. Buǵan kezekten tys saılaý barysynda naqty kóz jetkizdik. Nursultan Nazarbaevtyń arqa súıer azamattary bar ekendigi kúmánsiz. Alaıda Prezıdenttiń bastamalaryn batyl qoldaýshylar aımaqtarda da kóp bolýy tıis. Sondyqtan basqarýshylyq menedjment eldiń ishki saıası jaǵdaıyndaǵy sheshimin tabýy tıis mańyzdy máselelerdiń biri», - dedi sarapshy.
