Qazaqstannyń jaǵajaı voleıbolshylary «SWATCH WORLD TOUR 2012» jarysynyń Taılandtaǵy kezeńinde 5-shi oryn aldy
ALMATY. 29 qazan. QazAqparat - Keshe Taılandta jaǵajaı voleıbolynan áıelder arasyndaǵy «SWATCH WORLD TOUR 2012» jarysynyń
«Open powered by PTT» kezeńi óz máresine jetti. 23 qazanda bastalǵan bul baıraqty básekede el namysyn qorǵaǵan Tatıana Mashkova men Irına Tsımbalova juby úzdik bestiktiń qatarynan oryn aldy. Shırek fınalda amerıkandyqtarǵa ese jiberen olar 5-orynǵa taban tirep, reıtıngtik qoryn 360 upaıǵa ulǵaıtty. Bul qazaqstandyq sportshylardyń el tarıhynda áıelder arasyndaǵy «SWATCH WORLD TOUR 2012» dodasynda qol jetkizgen eń joǵarǵy nátıjesi bolyp otyr. Endi olar 1-4 qarasha kúnderi Qytaıda ótetin Azııa chempıonatynda óner kórsetpek.
