Qazaqstannyń jaǵajaı voleıbolshylary reıtıngtik qorjynyn 320 upaıǵa tolyqtyrdy - «Grand Slam» álemdik týry
ALMATY. 27 mamyr. QazAqparat - Argentınanyń Korrıentes qalasynda 22-26 mamyr kúnderi jaǵajaı voleıbolynan "Grand Slam" álemdik týrynyń kezeńdik «Corrientes Grand Slam» jarysy ótti.
Bul básekede el namysyn Alekseı Kýleshov pen Dmıtrıı ıAkovlev, Tatıana Mashkova men Irına Tsımbalova juptary qorǵady.
Dárejelik saıystan sátti ótip, toptyq synda ekinshi oryn alǵan Tatıana men Irına 1/16 fınalǵa deıin jetti. Negizgi týrdyń 1-raýndynda avstrııalyqtarǵa ese jibergen olar 17-orynǵa taban tirep, reıtıngtik qorjynyn 320 upaıǵa tolyqtyrdy. Al toptyq syndaǵy 3 oıynda da qarsylastaryna utylyp, 25-oryndy qanaǵat tutqanyna qaramastan Alekseı men Dmıtrıı de 320 upaıǵa ıe boldy. Endi qazaqstandyqtar 1-6 shilde kúnderi Polshada ótetin álem chempıonatyna beriletin joldamaǵa ıe bolý úshin "Grand Slam" álemdik týrynyń 11-16 maýsymda Gollandııada jáne 18-23 maýsymda Italııada bolatyn kezeńdik jarysynda upaı qorjynyn odan ary molaıtýy tıis.
