Qazaqstannyń jaǵajaı voleıbolshylary Italııa ulttyq quramasynyń bazasynda oqý-jattyǵý jıynyn ótkizýde
ALMATY. Qyrkúıektiń 29-y. QazAqparat /Erlik Erjanuly/ - Búgin Rımde Denıs Rovkın baptaıtyn Qazaqstannyń erler arasyndaǵy ulttyq quramasy Azııa chempıonaty men Azııa oıyndary qarsańyndaǵy oqý-jattyǵý jıynyn bastady,
dep habarlaıdy QazAqparat QR Voleıbol federatsııasyna silteme jasap.
Italııa ulttyq quramasy bazasyndaǵy bul jıynda Aleksandr Dıachenko men Alekseı Sıdorenkonyń jáne Dmıtrıı ıAkovlev pen Alekseı Kýleshovtyń juby qazannyń 18-ine deıin bolady. Onda olarǵa Álem chempıondary reseılik Dmıtrıı Barsýk pen Igor Kolodınskııdi daıyndaǵan Marko Solıýstrı jetekshilik jasaıdy. Sondaı-aq Avstrııa, Germanııa jáne Italııa komandalarymen sparrıng-machtar ótkizedi. Qazaqstandyq sportshylar bul jıynnan keıin qazannyń 20-24-i kúnderi Azııa chempıonatynda baq synaıtyn bolady. Al bul dodadan keıin olar Rımdegi bazalaryna qaıta oralyp, M. Solıýstrı qazaqstandyqtardyń Azııa chempıonatyndaǵy oıyndaryna taldaý jasamaq. Sondaı-aq 2-shi oqý-jattyǵý jıynynda qarashanyń 12-28-i kúnderi Gýanchjoýda bolatyn XVI Azııa oıyndaryna ázirleıdi dep josparlanyp otyr.
