Qazaqstannyń jaǵajaı voleıbolshylary «Grand Slema» álemdik týrynyń Avstrııadaǵy kezeńin 17-shi bolyp aıaqtady
ALMATY. 23 shilde. QazAqparat - Avstrııadaǵy Klagenfýrtta 17-22 shilde kúnderi jaǵajaı voleıbolynan «Gran Slema» álemdik týrynyń kezeńdik jarysy ótti.
Onda erler arasyndaǵy Qazaqstan quramasynyń úzdigi Alekseı Sıdorenko men Aleksandr Dıachenko 17-oryn aldy. Sonyń nátıjesinde reıtıngtik qorjyndaryna 160 upaı qosty.
Buǵan deıin olar 3-8 shildede Shveıtsarııada, 10-14 shildede Germanııada ótken kezeńdik dodalarda 9-oryn alyp, 320 upaıdan oljalaǵan bolatyn. Al 22-27 mamyrda Chehııadaǵy «Patria Direct Prague Open» kezeńinde toǵyzynshy (240 upaı) jáne Qytaıda 8-13 mamyrda «Bejing Grand Slam» kezeńinde 25-shi, (80 upaı), 1-6 mamyrda «Shanghai Grand Slam» kezeńinde 17-shi (160 upaı), sondaı-aq 24-29 sáýirde Polshada «Silesia Open» kezeńinde 13-shi (180 upaı) orynnan kóringen edi. Endi «Grand Slema» álemdik týrynyń 14-19 tamyzda Polshada ótedi aqtyq kezeńine qatyspaq.
