Qazaqstannyń jaǵajaı voleıbolshylary «Grand Slem» Álemdik týrynyń Argentınadaǵy kezeńine qatysýda
ALMATY. 25 mamyr. QazAqparat - Argentınanyń Korrıntes qalasynda jaǵajaı voleıbolynan «Grand Slem» Álemdik týrynyń «Corrientes Grand Slam» kezeńdik jarysy ótip jatyr.
22 mamyrda bastalǵan bul saıysqa qazaqstandyq jaǵajaı voleıbolshylary erler men áıelder arasynda bir-bir komandamen ǵana qatysty.
«V» tobynda Shvetsııa men Avstralııa sportshylaryn utyp, AQSh sportshylaryna jeńilgen Tatıana Mashkova men Irına Tsımbalova juby qazir 2-shi orynda keledi. Olar endi toptyq syndaǵy sońǵy oıynyn argentınalyqtarmen ótkizýde.
Al «F» tobynda baq synaǵan Alekseı Kýleshov pen Dmıtrıı ıAkovlev juby bolsa buǵan deıingi 2 oıynda Polsha men Gollandııa sportshylarynan jeńilis tapty. Endi qorjynynda 2 upaıy bar Qazaqstan men Latvııa komandalary ózara sheberlik baıqaspaq. Eger bul synnan súrinbeı ótse olar 26 mamyr kúni aıaqtalatyn atalmysh jarystyń negizgi kezeńinde óner kórsetýge múmkindik alady.
