Qazaqstannyń zańdyq qyzmet naryǵynyń kólemi belgisiz — Valerıı Jakenov
ALMATY. 16 qyrkúıek. QazAqparat /Erlik Erjanuly/ - Qazaqstannyń zańdyq qyzmet naryǵy qazir óz betimen damyp jatyr. Bul jaıynda Almatyda ótip jatqan Birinshi zańgerler forýmynda málim boldy.
"Belarýs elinen kelgen áriptesterimiz óz elindegi zańdyq qyzmet naryǵynyń kólemi týraly naqty sandardy aıtty. Ondaı statıstıkany Qazaqstanda eshkim júrgizbeıdi. Biz óz naryǵymyzdy áli nashar bilemiz", - deıdi QR Saýda-ónerkisip palatasy janyndaǵy Aralyq sot tóraǵasy Valerıı Jakenov.
Onyń aıtýynsha, advokattyq emes zańdyq qyzmet naryǵyn lıtsenzııalaý Reseıdegi sııaqty Qazaqstanda da 2005 jyly alynyp tastalǵan. Qazir turpaıy sózben aıtqanda elde jabaıy naryq ústemdik qurýda. Onda memleket tarapynan da, mamandandyrylǵan qoǵamdyq birlestikter tarapynan da ózin-ózi retteý jumysy jasalyp jatqan joq. Sondyqtan zańdyq qyzmet naryǵyndaǵy sýbektilerdiń sanyn da eshkim bilmeıdi. Jalpy jurtshylyq tek sanaýly ǵana iri kompanııalardyń atyn bilýi múmkin. Ókinishke qaraı, ózgeleriniń kópshiligi bir kúndik qana komponııalar bolyp otyr.
