Qazaqstannyń zańdyq qyzmet naryǵy ekonomıkalyq, áleýmettik damýlarǵa daıyn — Arnur Ámirǵalıev
ALMATY. 16 qyrkúıek. QazAqparat /Erlik Erjanuly/ - Qazirgi kezde TMD-daǵy basqa memlekettermen salystyrǵanda Qazaqstannyń zańdyq qyzmet naryǵy ekonomıkalyq, áleýmettik damýlarǵa daıyn.
Bul jaıynda Almatyda ótip jatqan Birinshi zańgerler forýmynda Linkase & Mind LLP zań kompanııasynyń MSc seriktesi Arnur Ámirǵalıev aıtty.
"Qazirgi tańda Qazaqstannyń zańdyq qyzmet naryǵy áleýmettik, ekonomıkalyq damýlarǵa sáıkes dep oılaımyn. Árıne, sheshilmegen kóptegen máseleler de bar. Biraq olar kórip otyrǵanymyzdaı birte-birte sheshilip jatyr. Jalpy bul forýmnyń maqsaty - zańdyq qyzmet naryǵynda bolyp jatqan ahýaldy talqylap, kókeıkesti máselelerdiń tezirek sheshimin tabýdyń jolyn izdeý bolyp otyr", - dedi A. Ámirǵalıev.
Onyń aıtýynsha, kórshiles Reseımen salystyrǵanda qazir Qazaqstanda zańdyq qyzmet kórsetetin kompanııalardyń birigýi baıqalmaıdy. Bolashaqta shaǵyn kompanııalardyń keıbirin sheteldik iri kompanııalar satyp alýy, ne olarmen birigip jumys jasaýy múmkin. Jalpy búgingi tańda zańdyq qyzmet kórsetý negizinen Almaty men Astana qalalarynda jaqsy damyǵan.
