Qazaqstannyń ıAdrolyq qarýdy taratpaý týraly shartqa qosylǵanyna - 25 jyl
2019 jylǵy 14 aqpan - 25 jyl buryn osy kúni - 1994 jylǵy 14 aqpanda Qazaqstan Prezıdenti Nursultan Nazarbaev Amerıka Qurama Shtattaryna resmı sapary barysynda ıAdrolyq qarýdy taratpaý týraly sharttyń (ıAQTSh) depozıtarıı eli retinde Prezıdent Bıll Klıntonǵa ratıfıkatsııa týraly qujattardy tapsyrdy.
Dál sol sátten Qazaqstan ıadrolyq qarýsyz memleket retinde ıAQTSh-qa resmı túrde qosyldy. Bunyń aldynda Semeı synaq polıgonyn jabý, ıadrolyq mártebeden bas tartý jáne KSRO quldyraýynan keıin mura qalǵan barlyq ıadrolyq qarýdy Qazaqstannyń aýmaǵynan shyǵarý týraly Memleket basshysynyń aqylǵa salynǵan jáne kóregen sheshimimen baılanysty úlken jumys atqaryldy.
1992 jylǵy 23 mamyrda Belarýs jáne Ýkraınamen birge Strategııalyq shabýyl qarýlaryn azaıtý jáne shekteý týraly KSRO men AQSh arasyndaǵy shartqa Lıssabon hattamasyna qol qoıyp, biz ózimizge ıAQTSh-qa ıadrolyq qarýsyz memleket retinde qosylý týraly mindetteme aldyq.
1991 jyldyń basyndaǵy jaǵdaı boıynsha Qazaqstannyń aýmaǵynda kontınentaralyq ballıstıkalyq raketalar úshin 1216 ıadrolyq oqtyq pen aýyr bombalaýshy úshin ıadrolyq zarıadty qamtıtyn jappaı qyryp-joıatyn qarýdyń iri arsenaly ornalasqanyn eske salǵan jón.
Qazaqstannyń ıAQTSh-qa qosylýy ıadrolyq qarýdan azat álemge qol jetkizýdiń izgilikti umtylystaryna negizdelgen, elimizdiń syrtqy saıası baǵytyn iske asyrýda mańyzdy kezeń boldy.
ıAQTSh ıadrolyq qarýdyń taralýyna jol bermeýge jáne túpki qorytyndysynda onyń tolyq joıylýyna, sondaı-aq atom energııasyn beıbit maqsatta qoldanýǵa járdemdesýge baǵyttalǵan halyqaralyq kúsh-jigerdiń irgetasy bolyp tabylady.
ıAdrolyq qarýsyzdaný men ıadrolyq qarýdy taratpaýdyń jahandyq rejımin nyǵaıtýdyń belsendi jaqtaýshysy retinde Qazaqstan barlyq taraptardyń Shart erejelerin múltiksiz oryndaýyn qoldaıdy.
ıAdrolyq jáne ıadrosyz memleketter arasyndaǵy ýaǵdalastyqqa negizdelgen ózge halyqaralyq kelisim bolmaǵandyqtan ıAQTSh teńdessiz biregeı qujat bolyp qalýda.
2018 jylǵy 18 qańtarda BUU Qaýipsizdik Keńesiniń «Jappaı qyryp-joıý qarýdy taratpaý: senimdi nyǵaıtý sharalary» atty taqyryptyq brıfınginde Qazaqstan Prezıdenti N. Nazarbaev birqatar bastamalardy, atap aıtqanda, ıAQTSh-tan shyǵýdy qıyndatý boıynsha sharalar ázirleýdi jáne Shart erejelerin buzatyn elderge qatysty jazalaý sharalaryn qoldanýdy usyndy.
Qazaqstan 2045 jyly BUU-nyń júz jyldyq mereıtoıyna oraı ıadrolyq qaýip-qaterden azat álemge qol jetkizýge baǵyttalǵan Memleket basshysynyń bastamalaryn iske asyrýdy jalǵastyrýǵa nıetti.
