Qazaqstannyń VI jazǵy spartakıadasynyń ashylý rásimi Tarazda ótedi

TARAZ. QazAqparat - Hanchjoýda ótetin HІH jazǵy Azııa oıyndarynyń jáne 2024 jyly Parıjde ótetin Olımpıada oıyndarynyń qarsańynda uıymdastyrylyp otyrǵan VI jazǵy spartakıadanyń saltanatty ashylý rásimi 2023 jyldyń 30 mamyrynda Taraz qalasynda ótedi, dep habarlaıdy QazAqparat tilshisi.

Bul týraly Jambyl oblystyq dene shynyqtyrý jáne sport basqarmasy baspasóz qyzmeti málimdedi.

Qazaqstannyń jazǵy spartakıadasy - elimizdegi eń mańyzdy buqaralyq sporttyq is-shara. 2003 jyldan bastap ár 4 jyl saıyn Jazǵy Olımpıada oıyndarynyń qarsańynda ótkizilip keledi. Oıyndarǵa elimizdiń barlyq óńirinen 27 sport túri boıynsha 10 myńnan asa sportshy qatysyp, baq synaıdy.

Munda grek-rım kúresi, áıelder kúresi, erkin kúres, taekvondo, ústel tennısi, trektegi velosıped sporty, semserlesý, sporttyq gımnastıka, batýt gımnastıkasy, boks (áıelder), basketbol (erler, áıelder), kórkem gımnastıka, voleıbol (erler,áıelder), dzıýdo (erler, áıelder), sý doby (erler, áıelder), qol doby (erler, áıelder), sadaq atý, baıdarka men kanoede esý, júzý, velosıped sporty (tas jol), jeńil atletıka, aýyr atletıka, oqpen atý, tennıs, trıatlon, stend atý, boks (erler) syndy sport túrlerinen júldeler sarapqa salynady.

Spartakıada baǵdarlamasyna enetin 27 sport túriniń 3 sport túri Taraz qalasynda ótedi. Olar – sý doby (erler, áıelder), voleıbol (erler, áıelder) jáne dzıýdo (erler, áıelder).

Buǵan deıin «Qazaqstan barysynda» Qaraǵandy oblysynyń namysyn qorǵaıtyn palýandar anyqtalǵanyn jazǵan bolatynbyz.