Qazaqstannyń veterınarlyq qyzmeti Reseı men Belarýstyń quzyrly organdarymen túıtkildi máselelerdi talqylaýǵa daıyn
Jaqynda Máskeýde Qazaqstan, Reseı men Belarýs memleketteri veterınarlyq qyzmet basshylary kezdesip, onda Keden odaǵynyń kedendik aýmaǵy boıynsha baqylanatyn ónimderdiń zańsyz tasymaly máseleleri talqylanǵan bolatyn. Taraptar mal sharýashylyǵy ónimderiniń tasymaly men zańsyz jetkizilimderdiń kóleńkeli shemalarynyń qurylýynyń alǵysharttary da sóz bolǵan edi.
«Jalpy Qazaqstanda baqylanatyn ónimderdiń júk tasymalyn esepke alý men saraptaý «Agroónerkásip keshendegi biryńǵaı aqparattandyrylǵan basqarý júıesi» arqyly júzege asady, al bul júıe reseılik «Argýs» aqparattyq júıesimen ıntegratsııalanǵan. Osyǵan baılanysty «Rosselhoznadzordyń» Qazaqstannyń veterınarlyq qyzmeti «Argýs» aqparattyq júıesi barlyq múmkindikterdi paıdalanbaı otyr degen málimdemesi negizsiz. Munda áńgime jaýapsyz kásipkerlerdiń kontrabandalyyq júkteriniń zańsyz tasymaly jaıynda, ıaǵnı qandaı da ilespe qujattarsyz tasymaldanatyn ekonomıkalyq qylmysqa parapar júkter tasymaly týraly bolyp otyr», delingen baspasóz baıanynda. Óz kezeginde Qazaqstannyń Aýyl sharýashylyǵy mınıstrligi zańdy túrde rásimdelgen júkterdiń barlyǵy da «Argýs» júıesinde kórinis tabatynyn alǵa tartady. «Osy rette Máskeýdegi kezdesý barysynda Belarýs elinen Qazaqstannyń ótkizý pýnktteri arqyly keletin baqylanatyn ónimderdiń tranzıtine ýaqytsha shekteý engizý máselesi talqylanbaǵanyn atap ótken jón. Óz kezeginde Qazaqstannyń veterınarlyq qyzmeti Keden odaǵynyń negiz qalyptastyrýshy qaǵıdattary aıasynda Reseı men Belarýs eliniń quzyrly organdarymen problemalyq máselelerdi talqylaýǵa daıyn ekenin málimdeıdi», delingen baspasóz baıanynda.
