Qazaqstannyń Velosport federatsııasy «Vınokýrov isin» jiti qadaǵalaýda
ASTANA. 7 qarasha. QazAqparat - Qazaqstannyń Velosport federatsııasy London olımpıadasynyń chempıony Aleksandr Vınokýrovqa qatysty Halyqaralyq velesıpedshiler odaǵynyń (UCI) tekserýin jiti qadaǵalaýda.
«Tekserýdiń ótýi aıtarlyqtaı oqıǵa emes. Óıtkeni úlken sportta mundaı jaǵdaılar kún saıyn oryn alyp jatady. Biz UCI-men tyǵyz baılanysta jumys isteýdemiz ári onyń sheshimin kútetin bolamyz», - dedi QR Velosport federatsııasynyń vıtse-prezıdenti Allen Shaıjúnisov.
Sonymen qatar ol federatsııanyń kez kelgen jaǵdaıda Halyqaralyq velesıpedshiler odaǵynyń barlyq quqyqtyq normalary men reglamentterin qatań saqtaıtyndyǵyn basa aıtty.
