Qazaqstannyń úzdik jas robototehnıkteri elordada ózara myqtyny anyqtaýda
Baıqaýdy QR Tuńǵysh Prezıdenti - Elbasy qory men «KazRobotıks» bilim berý jáne sporttyq robototehnıka boıynsha federatsııasy birlesip úshinshi márte uıymdastyrýda. Baıqaýdyń maqsaty - Qazaqstanda robototehnıka salasyn damytý, onyń túrli baǵyttaryn, sonyń ishinde sporttyq túrin órkendetý, tehnıkalyq ınnovatsııalarǵa qatysty jastardyń ıdeıalaryn qoldaý bolyp otyr.
Osy jyldyń naýryz ben mamyr aılarynyń aralyǵynda elimizdiń barlyq 17 óńirinde 10 men 21 jas aralyǵyndaǵy jastar atalmysh baıqaýǵa iriktelgen bolatyn. Bastapqy kezeńge Qazaqstannyń úzdik 200 jas konstrýktory qatysqan edi. Aqtyq synǵa aralarynan 30 komanda iriktelip shyqty.
«Elbasy jastardy árkezde qoldap keledi. Sizderdiń qabiletterińizdi shyńdaýǵa baǵyttalǵan jobalar barshylyq. Olardyń biri - Qazaqstannyń brendine aınalǵan «Bolashaq» stıpendııalyq baǵdarlamasy. «Rýhanı jańǵyrý» baǵdarlamasy aıasynda qolǵa alynǵan «100 jańa kitap», «100 jańa esim» ulttyq jobalary baryn ózderińiz bilesizder. Bizdiń elimizge adamnyń áleýetin arttyrýǵa jáne óskeleń urpaqtyń shyǵarmashylyǵyn qoldaý óte mańyzdy. Jas ónertapqyshtarǵa sáttilik tileımin», - dedi QR Tuńǵysh Prezıdenti - Elbasy qory basshysynyń dırektorynyń orynbasary Igor Rogov.
Jańa ǵana bastalǵan robototehnıkterdiń saıysynyń qorytyndysy keshki tórtte shyǵady. Qazaqstannyń túkpir-túkpirinen kelgen jas ónertapqyshtar tehnıkanyń túr-túriniń maketin jasap, qazirdiń ózinde tóreshilerdiń tań qaldyrýda.
