Qazaqstannyń úzdik jas metrology anyqtaldy
ASTANA. 17 mamyr. QazAqparat - QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıteti elimizdiń úzdik jas metrologyn anyqtady.
Búgin Búkilemdik metrologııa kúnine oraı ótken konferentsııa barysynda jeńimpazdardy marapattaý rásimi ótti.
Sonymen 2012 jyldyń eń úzdik jas metrology baıqaýynyń jeńimpazy bolyp «Qazaqstan metrologııa ınstıtýty» №1 zerthanasynyń jetekshi sarapshysy Marat Qonqanov tanyldy. Al ekinshi oryn «Intergaz Ortalyq Azııa» mekemesiniń 1 sanattaǵy mamany Janat Daevqa, al úshinshi oryn Astana medıtsınalyq ýnıversıteti qashyqtan jáne ınnovatsııalyq oqytý tehnologııalary bóliminiń ádiskeri Lázzat Otarbaevaǵa buıyrdy.
«Jyldyń úzdik metrology» baıqaýy metrologııa salasyndaǵy jas mamandardy qoldaý, yntalandyrý, bilikti kadrlardy daıyndaýdy yntalandyrý jáne shyǵarmashylyq múmkindikterdi damtyý maqsatynda bekitilgen bolatyn.
