Qazaqstannyń úzdik tennısshileri reıtıngtegi ornyn saqtap qaldy
NUR-SULTAN. QazAqparat – Qazaqstannyń úzdik tennısshileri Áıelder tennısi qaýymdastyǵynyń (WTA) jańartylǵan reıtınginde óz ornyn saqtap qaldy, dep habarlaıdy QazAqparat tilshisi Qazaqstan tennıs federatsııasyna silteme jasap.
Qazaqstannyń birinshi raketkasy Elena Rybakına burynǵysha 19-ynshy, sondaı-aq ıÝlııa Pýtıntseva 28-inshi, Zarına Dııas 81-satyda tur.
Al Jibek Qulambaeva, Ekaterına Dmıtrıchenko, Darıa Detkovskaıa jáne Galına Voskoboevanyń reıtıngtegi kórsetkishteri tómendedi, óıtkeni olar ótken aptada upaılaryn tolyqtyra alǵan joq.
WTA-nyń 25 qańtardaǵy reıtıngi:
1 (0). Eshlı Bartı (Aýstralııa) – 8717
2 (0). Sımona Halep (Rýmynııa) – 7255
3 (0). Naomı Osaka (Japonııa) – 5780
4 (0). Sofııa Kenın (AQSh) – 5760
5 (0). Elına Svıtolına (Ýkraına) – 5260
6 (0). Karolına Plıshkova (Chehııa) – 5205
7 (0). Arına Sobolenko (Belarýs) – 4580
8 (0). Bıanka Andreeský (Kanada) – 4555
9 (0). Petra Kvıtova (Chehııa) – 4516
10 (0). Kıkı Bertens (Belgııa) – 4505
19 (0). Elena Rybakına (Qazaqstan) – 2718
28 (0). ıÝlııa Pýtıntseva (Qazaqstan) – 2015
81 (0). Zarına Dııas (Qazaqstan) – 928
287 (-1). Anna Danılına (Qazaqstan) – 224
459. (0). Gózal Aınıtdınova (Qazaqstan) – 93
628 (-3). Jibek Qulambaeva (Qazaqstan) – 53
892 (-2). Ekaterına Dmıtrıchenko (Qazaqstan) – 21
1104. (-5). Darıa Detkovskaıa (Qazaqstan) – 10
1331 (-4). Galına Voskoboeva (Qazaqstan) – 3.
Juptyq synda G.Voskoboeva 72-inshi, A.Danılına 139-ynshy, ıÝ.Pýtıntseva 187-orynda qaldy.
Erler arasynda Kásipqoı tennısshiler qaýymdastyǵynyń (ATP) reıtıngisinde burynǵysha serbııalyq Novak Djokovıch kósh bastasa, ıspanııalyq Rafael Nadal ekinshi, aýstrııalyq Domınık Tım úshinshi orynda keledi.
Qazaqstandyqtardan Aleksandr Býblık 45-inshi, Mıhaıl Kýkýshkın 89-ornynda qalsa, jaraqatyna baılanysty jarystardan tys qalyp júrgen Dmıtrıı Popko 165-ten 167-ge tómendedi.
Juptyq synda M.Kýkýshkın 76-satyda qalsa, Andreı Golýbev 85-ten 88-ge, A.Býblık 88-den 89-ǵa, Aleksandr Nedovesov 133-ten 134-ke syrǵydy.
A.Nedovesov búgin Antalııada bastalatyn chellendjer týrnırinde (júlde qory – 44820 AQSh dollary) juptyq synda baq synaıdy. Ol ýkraınalyq Denıs Molchanovpen birge alǵashqy aınalymda amerıkalyqtar Robert Gelloýeı men Aleks Loýmen sheberlik baıqasady.
Eske sala keteıik, budan buryn Zarına Dııastyń Aýstralııa ashyq chempıonatyn asyǵa kútip júrgenin jazǵan bolatynbyz.
