Qazaqstannyń úzdik shahmatshysy Táýelsizdik kúnine oraı balalarmen shahmat oınady
ALMATY. SPORTINFORM - QazAqparat - Almatyda shahmat reıtınginiń nómiri birinshi oıynshysy, Qazaqstannyń ulttyq quramasynyń múshesi Rınat Jumabaev jas jetkinshektermen shahmat seansyn ótkizdi, dep habarlaıdy «SPORTINFORM» SAA.
Qazaqstannyń shahmat federatsııasynyń reıtıngi boıynsha elimizdiń eń myqty shahmatshysy Almatyda balalarmen 28 taqtada qaıyrymdylyq seansyn ótkizdi. Shara Táýelsizdik kúni merekesine arnaldy.
Aıta ketetin másele, sharaǵa Qazaqstannyń táýelsizdigine qansha jyl tolsa, sonsha oıynshy qatysy. Oıynshylardyń keıbiri elimiz ben Almaty qalasynyń, tipti Azııa chempıonattarynyń júldegerleri.
Jas jetkinshekterdi áp-sátte-aq uta salmaq bolǵan grosmeısterdiń sózinshe, balalarmen baq synasý oǵan ońaıǵa soqpaǵan. Sóıtip, bolashaq chempıondarmen 4 saǵat boıy arpalysqan grosmeıster balalardyń keıbirimen teń tússe, keıbirinen tipti utylyp ta qalǵan.
