Qazaqstannyń úzdik rektorlary anyqtaldy
ASTANA.24 naýryz. QazAqparat - Astanada otandyq joǵary oqý oryndarynyń úzdik rektorlaryna qurmet gramotalaryn tabys etý saltanaty ótti.
Tanymal www.univerlife.kz ınternet portaly uıymdastyrǵan bul konkýrstyń qorytyndysy Naýryz meıramy qarsańynda shyǵaryldy, dep habarlady Ortalyq kosmmýnıkatsııalar qyzmetiniń saıty.
«Basqa konkýrstardan aıyrmashylyǵy sol, úzdik rektorlar stýdentterdiń baǵalaýlarynyń negizinde anyqtaldy. Saladaǵy eń úzdikterdi anyqtaýǵa stýdent jastardyń tańdaýlary kómektesti», - deıdi Univerlife.kz portalynyń ákimshisi Áset Ospanov.
Uıymdastyrýshylardyń aıtýynsha, alǵashqy úzdikter úshtigine Qazaqtyń S.Seıfýllın atyndaǵy agrotehnıkalyq ýnıversıtetiniń rektory Aqylbek Kúrishbaev, Halyqaralyq aqparattyq tehnologııalar ýnıversıtetiniń rektory Damır Shynybekov, «Symbat» sán bıznesi akademııasynyń prezıdent-rektory Sabyrgúl Asanova kirip otyr.
Budan bylaı konkýrs jyl saıyn ótkizilip otyrady. Sonymen qatar, Qazaqstannyń úzdik joǵary oqý oryndarynyń da reıtıngi jasalmaq.
