Qazaqstannyń úzdik meıramhanalary men qonaq úıleri anyqtalmaq
ASTANA. QazAqparat - 2018 jyldyń naýryz aıynda Qazaqstannyń úzdik meıramhanalary, qonaq úıleri jáne úzdik dep tanylǵan ózge de demalys oryndary marapattalady, dep habarlaıdy QazAqparat tilshisi.
Bul týraly «HoReCa» qonaq úı-meıramhana bıznesi qaýymdastyǵynyń prezıdenti Igor Kopaılov Astanada ótken baspasóz brıfınginde málim etti.
«2018 jyldyń naýryz aıynda Qazaqstandaǵy «Úzdik meıramhana», «Úzdik qonaq úı», «Úzdik túngi klýb», «Úzdik restobardy» anyqtaıtyn tuńǵysh «HoReCa Awards» marapatyn ótkizýdi josparlap otyrmyz. Bul shyn máninde eń myqtyny anyqtaıtyn ádil baıqaý bolmaq. Qarasha aıynda arnaıy komıssııa quryp, júlde taǵaıyndaý jumystaryn bastamaqshymyz», - dedi Igor Kopaılov.
Qaýymdastyq basshysynyń aıtýynsha, alǵashqy baıqaý Astana, Almaty, Shymkent qalalarynyń mekemeleri arasynda júrgiziledi.
«Kelesi jyly barlyq oblys ortalyqtaryn qamtýǵa tyrysamyz», - dep óz sózin túıindedi Igor Kopaılov.
