Qazaqstannyń úzdik medıtsınalyq uıymdary belgili boldy
DSDRO 2017 jyl boıynsha Tegin medıtsınalyq kómektiń kepildik berilgen kólemi (TMKKK) sheńberinde medıtsınalyq kómek kórsetetin respýblıkalyq, oblystyq jáne qalalyq deńgeılerdegi medıtsınalyq uıymdardy reıtıngtik baǵalaý qorytyndysyn shyǵardy.
«Menedjment kórsetkishteri boıynsha saralanǵan 17 ǵylymı-zertteý ınstıtýttarynyń, ulttyq ortalyqtardyń 3-ýi, medıtsınalyq-sanıtarııalyq alǵashqy kómek kórsetetin 168 medıtsınalyq uıymnyń 5-ýi eń joǵary 5 juldyz aldy», - delingen habarlamada.
Sondaı-aq, eresekterge arnalǵan 170 qalalyq statsıonar, eresekterge arnalǵan 32 oblystyq statsıonar, balalarǵa arnalǵan 13 oblystyq statsıonar jáne balalarǵa arnalǵan 15 qalalyq statsıonar, sondaı-aq 25 qalalyq jáne 17 oblystyq mańyzy bar perzenthanalar men perınataldy ortalyqtar arasynda birde-bir uıym eń joǵarǵy reıtıng alǵan joq.
«Klınıkalyq kórsetkishter boıynsha júrgizilgen baǵalaý nátıjeleri boıynsha eń joǵarǵy kórsetkishteri bar sanatqa - 5 juldyz - 97 qalalyq eresekter statsıonary, 9 oblystyq eresekter statsıonary, 3 - oblystyq balalar statsıonary, 2 - ǴZI/UO kirdi. MSAK uıymdarynyń ishinde 8 medıtsınalyq uıym eń úlken nátıjege qol jetkizdi», - delingen habarlamada.
Qalalyq mańyzy bar 25 perzenthana men perınataldy ortalyqtardyń ishinde klınıkalyq kórsetkishter boıynsha 6 uıymǵa 5 juldyz berildi. Olar: Jambyl oblysy ákimdigi Densaýlyq saqtaý basqarmasynyń Qalalyq perınataldyq ortalyǵy, Mańǵystaý oblysy Densaýlyq saqtaý basqarmasynyń Jańaózen qalalyq perzenthanasy, Almaty qalasy Densaýlyq saqtaý basqarmasynyń Qalalyq perınataldyq ortalyǵy, Aımaqtyq akýsherlik-gınekologııalyq ortalyq, Qostanaı oblysy Densaýlyq saqtaý basqarmasynyń Arqalyq perzenthanasy, QR DSM Akýsherııa, gınekologııa jáne perınatologııa ǵylymı ortalyǵy.
Sondaı-aq, klınıkalyq qyzmeti boıynsha 5 juldyzǵa 17 oblystyq perınataldy ortalyqtyń 6-ýy qol jetkizdi: Aqmola oblysy Densaýlyq saqtaý basqarmasy janyndaǵy Perınataldyq ortalyq, Batys Qazaqstan oblysynyń ákimdigi Densaýlyq saqtaý basqarmasynyń Oblystyq perınataldyq ortalyǵy, Aqtóbe oblysy Densaýlyq saqtaý basqarmasynyń Oblystyq perınataldyq ortalyǵy, Qostanaı oblysy Densaýlyq saqtaý basqarmasynyń Qostanaı perınataldyq ortalyǵy, Atyraý oblysy Densaýlyq saqtaý basqarmasynyń Atyraý oblystyq perınataldyq ortalyǵy, Qyzylorda oblysy Densaýlyq saqtaý basqarmasynyń Oblystyq perınataldyq ortalyǵy.
Qazirgi ýaqytta Áleýmettik medıtsınalyq saqtandyrý qory «Halyqtyq baqylaý» mobıldik qosymshasyn iske qosty, onda árbir patsıenttiń TMKKK sheńberinde kórsetken qyzmeti úshin medıtsınalyq uıymǵa óz baǵasyn qoıýǵa múmkindigi bar. Osylaısha, obektıvti kórsetkishter negizinde jasalatyn DSDRO-nyń jyl saıynǵy reıtıngine qosymsha «Halyqtyq baqylaý» mobıldik qosymshasy jyl boıy patsıenttermen keri baılanys jasaý úshin jyldam ádisi bolyp tabylady.
Reıtıngtik baǵalaý nátıjelerimen DSDRO saıtynda tolyǵyraq tanysýǵa bolady.
Reıtıngti esepteý úshin ındıkatorlar retinde kórsetiletin medıtsınalyq qyzmetterdiń sapasy salasyndaǵy 50 jýyq eń mańyzdy kórsetkish iriktelip alyndy.
