Qazaqstannyń úzdik kúıshileri Qaraǵandyda bas qosady
QARAǴANDY. QazAqparat - Kúı sheberleri men mýzyka salasynyń sarapshylary Qaraǵandyǵa jınalady. Kórermender shertpe kúıdiń naǵyz dúldúlderiniń ónerimen sýsyndaý múmkindigine ıe bolmaq, dep habarlaıdy QazAqparat tilshisi.
Óńirdiń mádenıet, arhıvter jáne qujattamalar basqarmasy baspasóz qyzmetiniń málimetinshe, sharada úzdik kúıshiler, sarabdal mamandar men sarapshylar bas qosady. Qaraǵandy turǵyndary men qala qonaqtary qalaq dombyranyń áýeninen sýsyndaıdy.
Qazylar alqasy halyq mýzykasynyń tanymal ókilderinen quralady.
7-9 qarasha kúnderi ótetin Táttimbet atyndaǵy VІI respýblıkalyq baıqaýda kúıshiler qazaqtyń dombyra, qobyz, qylqobyz sekildi mýzykalyq aspaptarynyń áýenimen ónersúıer qaýymdy tánti etpek.
Budan tys, aldaǵy baıqaý kúıdiń alýan túrli baǵyttaryn nasıhattaıtyn barlyq mektepterdiń basyn qosady.
